Descárgate a app e monta en biciArteixo

Obrigacións específicas do usuario

O usuario de un abono comprométese, en cada ocasión que utilice o servizo, a:

• Facer uso do servizo, e en especial da bicicleta, coa máxima dilixencia.
• Estacionar correctamente a bicicleta nunha estación ao finalizar o desprazamento, e antes da hora de peche do servizo ao mesmo día en que se iniciara o desprazamento. Excepcionalmente, no caso de que a estación escollida estea chea e non existan enganches libres nese momento, terá que deixar a bicicleta ao lado da estación sen que supoña un risco para a integridade e/ou a seguridade da bicicleta, peóns e/ou vehículos e obrigatoriamente asegurar o mecanismo de bloqueo para rematar o aluguer. Ademais, o usuario deberá comprobar a correcta finalización da operación.
• Informar e devolver debidamente a bicicleta ao servizo, en caso de comprobar que algún dos seus elementos non funciona correctamente.
• Utilizar a bicicleta de forma adecuada e destinala unicamente ao seu transporte persoal.
• Asumir a garda e custodia da bicicleta dende o momento da súa retirada e ata o correcto retorno desta ao servizo.
• Entregar a bicicleta aos supervisores, persoal autorizado ou autoridades, en caso de que estes, no exercicio das súas funcións, llo requiran.
• Respectar as normas de circulación vixentes.
• Facer uso do carril bici nas vías en que estea instaurado.
• Responsabilizarse do bo uso da bicicleta, así como da súa perda.
• Todos os usuarios dun abono obríganse expresamente a cumprir, na utilización das bicicletas, a ordenanza de mobilidade do municipio cando exista. Sendo obrigatorio o uso do casco nos menores de 16 anos en todo caso, e os maiores de idade en vias interurbanas.
• No momento da alta, o usuario manifesta que se atopa en perfecto estado de saúde para ir en bicicleta e asume a súa responsabilidade en caso de sufrir unha enfermedade do corazón, vista ou oído ou dos aparatos circulatorio, locomotor e dixestivo.
• O usuario está obrigado a facer un bo uso da bicicleta de uso compartido e responsabilízase de todos os danos que poidan producirse por un uso inadecuado desta.
• O usuario está obrigado a tomar precaucións ante posibles danos, perda ou roubo. En concreto, se a bicicleta dispón de candeado electrónico ou calquera sistema de inmobilización, deberá utilizarse sempre que a bicicleta quede estacionada durante un desprazamento. No caso dun estacionamento fora dunha estación, a bicicleta deberá quedar nun lugar que non estea explicitamente prohibido na correspondente ordenanza municipal. Non obstante, o usuario non quedará exonerado da garda e custodia da bicicleta.